नेपालगन्ज उपमहानगरपालिकाका उपमेयर राईद्वारा पदबाट राजीनामा

नेपालगन्ज, माघ ५

     नेपालगन्ज उपमहानगरपालिकाका नगर उपप्रमुख कमरुद्दिन राईले पदबाट राजीनामा दिनुभएको छ । आगामी फागुन २१ गते हुने प्रतिनिधिसभा सदस्य निर्वाचनमा बाँके क्षेत्र नम्बर २ बाट उम्मेदवारी दिन तयारी गरेपछि उहाँले उपमेयर पदबाट राजीनामा दिनुभएको हो ।

    राजीनामासम्बन्धी जानकारी दिँदै राईले जनता समाजवादी नेपाल पार्टीले बाँके क्षेत्र २ बाट प्रतिनिधिसभा उम्मेदवार बनाउने निर्णय गरेकाले आफूले पद त्याग गरेको बताउनुभयो । २०७९ मा सम्पन्न प्रतिनिधिसभा निर्वाचनमा पनि जनता समाजवादी पार्टी नेपालबाट बाँके क्षेत्र नम्बर २ मा मो। इस्तियाक राई उम्मेदवार रहनुभएको थियो ।

    यसपटकको निर्वाचनमा कमरुद्दिन राई नेकपा (एमाले)  मा प्रवेश गरी सूर्य चिन्ह लिएर बाँके क्षेत्र २ बाट प्रतिस्पर्धा गर्ने तयारीमा हुनु हुन्छ । २०७९ को निर्वाचनमा एउटै दलमा रहेर चुनाव लडेका दुवै राई यसपटक फरक दलबाट आमनेसामने हुने सम्भावना देखिएको छ, जसले निर्वाचनलाई थप चासोपूर्ण बनाएको छ ।