रघुगंगा गाउँपालिका: बाध्यता र अवसरबीचको संघर्ष – बेनी–जोमसोम सडक अवरुद्ध

म्याग्दी, साउन २४ 
    रातिदेखिको निरन्तर वर्षाले म्याग्दीको रघुगंगा–३ (बैसरी) तथा अन्नपूर्ण–३ को सुकेबगर क्षेत्रमा पहिरो झर्दाँ बेनी–जोमसोम सडक खण्ड अवरुद्ध भएको छ। यसले मुक्तिनाथ दर्शन यात्रा गर्ने तीर्थयात्रीहरू र पर्यटकहरूलाई समस्या निम्त्याएको छ।

   जिल्ला प्रहरी कार्यालय म्याग्दीका सूचना अधिकारीले पुष्टि गरेका छन्। 
सडक आयोजनाका इन्द्रसिंह शेरचनका अनुसार, वर्षा रोकिए पनि नियमित जोखिमका कारण सडक समग्र स्थिर गर्न चुनौतीपूर्ण भएकाले पूर्व जानकारी लिएर मात्रै यात्रा गर्नु उचित हुनेछ। 

  डोजर र अन्य मेसिनहरू परिचालन गरेर कालीगण्डकी नदीतर्फ पहिरो हटाउने प्रयास भइरहे पनि वर्षा नरोकिञ्जेल सडक स्थायी रूपमा सञ्चालनमा ल्याउन कठिन छ। 

  त्यस्तै, बेनी–दरवाङ सडकखण्डका धुमाउने भिर (बेनी–४) र मालिका गाउँपालिका–६ (बाङ्गे) क्षेत्रमा पनि पहिरोको जोखिम रहेको प्रहरीले जनाएको छ।