विहादी गाउँपालिकाको बेवास्ता: बजेट अभावमा विद्यालय भवन तीन वर्षदेखि अलपत्र

पर्वत, चैत १० 

        पर्वतको विहादी गाउँपालिका–४ वहाकीस्थित लिम्सिङमा रहेको रम्बादेवी माता आधारभूत विद्यालयको भवन निर्माण तीन वर्षदेखि अलपत्र अवस्थामा रहेको छ। आवश्यक बजेट अभावका कारण आठ कोठे पक्की भवनको निर्माण कार्य रोकिएको हो।

      उक्त भवन राष्ट्रपति शैक्षिक सुधार कार्यक्रमअन्तर्गत शिक्षा मन्त्रालयले उपलब्ध गराएको ३६ लाख रुपैयाँबाट सुरु गरिएको थियो। तर थप बजेटको सुनिश्चितता हुन नसक्दा निर्माण कार्य बीचमै रोकिएको विद्यालयले जनाएको छ।  भवन निर्माण अधुरो रहँदा विद्यालयका विद्यार्थीहरू कष्टकर र असुरक्षित वातावरणमा अध्ययन गर्न बाध्य भएका छन्। हाल चार कक्षासम्म सञ्चालन हुने यस विद्यालयमा १९ जना विद्यार्थी अध्ययनरत छन्।