सन्धिखर्क नगरपालिका–११ मा रहेको ‘रक गार्डेन’ पर्यटकीय गन्तव्यका रूपमा लोकप्रिय

अर्घाखाँची, कार्तिक २५ 

   सन्धिखर्क नगरपालिका–११ डिभर्नास्थित ‘ढुंगे बगैचा’ (रक गार्डेन) अहिले युवायुवतीको नयाँ आकर्षण बनेको छ। यहाँ दैनिक रूपमा फोटो र भिडियो खिच्ने, नाच्ने र रमाइलो गर्ने भीड बढ्दै गएको छ।

   प्राकृतिक रूपमा बनेका धारिला ढुंगाहरू, वरिपरिका वनजंगल र हिमश्रृंखलाको दृश्यले यो स्थानलाई सुन्दर बनाएको छ। टिकटक र फेसबुकमा तस्बिर र भिडियो भाइरल भएपछि रक गार्डेन चर्चित गन्तव्य बनेको हो।

स्थानीय र पर्यटकले यहाँको प्राकृतिक सौन्दर्य, चिसो हावा र शान्त वातावरण मन पराइरहेका छन्। सन्धिखर्क नगरपालिकाले लुम्बिनी प्रदेश सरकारसँग सहकार्य गरी सौचालय, धारा, बस्ने ठाउँ र अन्य पूर्वाधार निर्माण गरिरहेको छ।

  तीन वर्षयता प्रचारप्रसार र पहुँच विस्तारसँगै रक गार्डेन अर्घाखाँचीको लोकप्रिय पर्यटन स्थलका रूपमा पहिचान बनाउँदै गएको छ।